突然醒起一個執到銀包嘅故事！🙈 話說2、3年前上小巴，發現有人漏咗銀包！一打開入邊有幾千蚊，仲有唔同嘅卡😨 諗住交俾司機，但咁多錢我唔放心！所以，我決定拎返屋企，再諗辦法俾返物主🥹 我即刻去嗰區嘅facebook群組問有無人跌咗銀包！返到屋企再仔細搵下有無咩聯絡方法，但無🥹😭 好好彩！佢有一張大專院校嘅學生證～！不過，因為係假期，我打唔過去～ 隔咗一日之後！我拎住個銀包係身，再打去間大專院校，結果個對話令我忟到燥咗個職員姐姐🤯 我：「Hello！我想問你哋係咪有個學生叫XXX啊？我執到佢銀包，你會唔會有佢嘅聯絡方式啊？我想俾返佢」 職員：「呢個係學生嘅私隱，麻煩你交返去警署，警察會處理」 我：「我交去警署唔係好放心，同埋我要做嘢，無咁快可以去到警署！請問佢係唔係你哋學生啊」 佢：「係我哋學生！但係學生私隱問題，唔該你交去警署」 呢到我開始燥🤯🤯🤯🤯 我：「而家你哋個學生唔見咗銀包一定已經好慌張，好擔心，有人執到想俾返佢，你就同我講私隱問題，仲要交去警署咁複雜，直接俾返佢唔得咩？點解你唔問下你個學生想點處理先啊！？😡」 估下之後點處理….？