06:34仲未訓得著 喊左差唔多一個鐘，雖然知道新年唔應該喊，但呢次喊真係好突然殺我一個措手不及，實際原因都唔係好知點解，我估可能係關啲藥事？食完藥之後諗起屋企人身體一啲狀況，突然之間個種恐懼同焦慮放到好大，覺得係絕症，覺得屋企人好快就會離開自己，隨之而來就係傷感，然後就不停地喊，同時又好責怪自己冇好好孝順屋企人，冇好好珍惜同屋企人相處嘅時光，冇盡力去愛屋企人，腦海裡面仲有屋企人病得好辛苦嘅畫面。僅存嘅理性話俾我聽我係overthinking緊，exaggerate緊個事實，記得以前cp講過話當呢啲情況發生時可以諗下實際會發生嘅機率有幾多，但可能我理性已經被感性影響左，我覺得件事係超過98%會發生，於是喊得更加犀利，喊到停唔到，如果我有多啲錢可以帶屋企人做曬所有部位嘅body check 就好。我真係想像唔到冇左屋企人我會點算，仍然冇辦法可以俾自己停止喊