前排有海量回流post，呢一兩日就開始有啲「計劃緊去英國，邊度落腳好？」、「而家準備5+1過嚟好唔好？」嘅post，然後當然亦係預期中夾雜負面嘢嘅留言回覆。唔係唔講得負面嘢，有啲其實係反映緊現實嘅情況，但一波波咁出現，個鋪排真係好似agenda咁。🙂 講返想講嘅嘢。 走唔走、去邊度落腳等，呢啲係人生重大決定，要問嘅係問自己，而唔係上網問人。 一百個人有一百個意見，個個自身價值觀、面對嘅情況都唔同，點可能一概而論？ 要問就問自己，點解想走？究竟自己想要啲咩？乜嘢對自己最重要？ 有人嚟到係歎世界，有人嚟到係捱世界；搞唔清楚自己為乜要走、自己想點，遇到問題嘅時候係唔會夠心力同意志去解決。 唔係完全否定上網問意見，但一啲重大決定，都係冷靜落嚟，誠實面對自己先會有答案。