鐵路站 + 圖書館溝埋一齊做瀨尿牛丸，聽落係 thesis 級別嘅理想化概念，卻喺近年成為咗日本嘅趨勢，標準套餐就係圖書館 + 蔦屋書店 + Starbucks。 不過，呢類「蔦屋圖書館」因為係由地方政府指定蔦屋書店嘅公司 Culture Convenience Club 負責營運而引來爭議，其中一項係採用蔦屋嘅 T-Card 作為借書證，造成公共事務嘅個人信息與私人機構共享，除此仲有入面嘅職員到底算係圖書管理員定店員嘅模糊關係，同外借書架旁邊會擺賣嘅問題。 所以喺文青嘅包裝之中，都係有辣有唔辣。