前幾日，住在日本的印尼朋友同我happy new year, 其實，諗深d, 除左同事同埋妹妹，已經冇咩人會再同我happy new year, 正式黎講，我冇咩朋友😂 佢同我講完happy new year , 下一句問我做緊咩？ 我話冇野做，剩係上網揾下d Keroppi 準備新居入伙，當我一提到Keroppi ，佢好快下一句「垃圾」😆我當然一d嬲都冇啦，佢有權唔鐘意，我冇迫佢要鐘意我鐘意既野，然後…佢問我「當你死左，咁Keroppi 點算？」 ，我咪話一齊「燒」， 佢不客氣咁講「我幫你sell 晒出去」。其實我幾鍾意同佢對話，咩都講，傷害既野又講，直接了當！😂人夾人，由不停罵戰，到愈來愈了解對方真係唔易，佢係我好欣賞既朋友，希望我地可以繼續做朋友。 到左今日，我都同家姐講左我死左，記得將d Keroppi 比我印尼朋友sell 出去，仲有層樓就拎左我人壽保險就一野供斷層樓了斷，贖番層樓😂我既人生都夾好晒，唔影響到人，朋友就冇幾個，佢地又開心咁….雖然唔多，但當小小報答，我印尼朋友同屋企人既陪伴。 不過點都好，緊急聯絡人除左寫家姐同印尼朋友，唔好攪著老人家好了。