每一年新年我都會去拜神 今年去咗元朗大樹下嘅天后廟 排咗三個鐘頭終於解到簽🤣 其實香港都有啲靈驗嘅廟宇 首選荃灣龍母廟， 有個好勁嘅解簽師傅珍姑，應該係嗰間廟嘅話事人， 不過解簽要book時間，今個月已經滿了 所以今次選擇係元朗大樹下天后廟， 我會搵最多人排隊 ge 阿婆幫我解簽,,感覺佢都幾老實，唔掠水 其實香港都仲有其他靈驗嘅廟宇 例如黃大仙，不過 嗰度啲解籤師傅 真係同我哋呢行一樣，經常摸盲盒，攪唔掂， 咁當然啦，黃大仙啲簽都自己都解到嘅，如果你萬一求左支下簽，而又唔需要化解，可以值得去下 另外， 荃灣青龍頭 天后廟 都靈 , 嗰度有個金花娘娘，求姻緣求家宅一流，最衰個天后像 嗰個位 前年 火燭，仲未開放出嚟，佢哋而家只係擺 一個正常家用size嘅天后像係出面， 供人參拜， 要作福， 收費又偏高小小， 所以我今年都冇去，當然啦，求姻緣一流 另外 大圍車公廟，好多朋友仔都話得，但亦都有朋友仔講過 ，車公爺爺人夾人， 可能我同車公爺爺個緣份唔係太多， 對我幫助不太大， 但身邊 有朋友 話唔錯， 又其財運生意嗰方面 留言待續 靈異