英國生活遊走歐洲 法國篇 風水命理 然後，都講一個景點咁大把啦，就係凡爾賽宮。 但唔係講類邊有乜野好睇，而係講風水。 查實，英麻san老豆係個風水學者，唔做生意個隻。 個日遊覽完個宮殿，去到宮殿後邊，英麻san老豆都不由自主嘆左口氣。 「吓？做乜嘆氣？」 「風水好差，唔怪得之後法國大革命，最後連個皇室都無埋。」 「大師講多幾句？」 「你睇，宮廷後方即刻有樓梯下斷向下，連落個大水池直線向外走，洩財太甚，宮殿後方啲鐵柵聊勝於無，無阻洩勢，唯一係樓梯非直落，而係經兩邊旋轉而下，但只能稍稍緩和，不解劣勢。」 「吓，就係咁簡單？」 「就係咁簡單，」英麻san老豆氣定神閒講：「而且往往越簡單就越大鑊，八字一樣。」