أنا عارف إن صعب الواحد يتحكّم في قلبه وفي مشاعره، ولكن خُدها نصيحة اِوعى تحب حد للدرجة اللي تخليك تتقبّل أذيّته ليك، روحك وصحتك هبة ونعمة من عند الله والمفروض إنّك تحافظ عليهُم، وصدقني مَفيش خير من شخص بيتعمّد أذيّتك، الناس اللي بتستبيح حُزنك ووجع قلبك عُمرها ما حبّتك، الحُب عُمره ما كان كدا.. الحُب مودّة ورحمة وإنسانية، مَفيش حُب بيكون سبب في تعاسة صاحبه أو قهر قلبه، لو إنتَ عِلاقتك ماشية بالشكل دا فسميها أي مُسمى تاني غير الحُب، الحُب بريء من المهازل اللي بتحصل دي.