【女律辦公】打官司 - 為錢定為氣？ 初三赤口，嗌交5年無限loop - 樓下告樓上漏水。2020開案，法庭希望幫吓兩邊:- 法官：根據最新專家報告，水似乎由外牆同被告單位附近位置滲出 原告：專家話有證據佢哋單位內部滲水 法官：被告已經拆晒供水設備 原告：拆晒係唔應有水由佢哋度漏落我度，但專家喺2023年見佢哋天花有水跡。咁水可能由樓上漏落佢度，再漏落我度，要繼續查 法官：既然係咁，應該同一陣線去搵滲水源頭。你覺得可以點樣同被告合作去處理因其他源頭導致既漏水問題？ 原告：關乎佢哋既利益，佢哋應該自己同樓上傾 法官：被告控制範圍局限於自己單位 原告：一日有滲水都要搞掂佢。呢個係佢哋既責任。最快既辦法係佢哋搵個專家睇睇咩問題 法官：已有3位專家證人，佢哋又做晒維修。不如我哋現實少少：被告仲有咩可以做？都係受害者，應該一齊去同樓上交涉 原告：雙方專家都話有漏水，佢哋唔可以咩都唔做！ 法官：係樓上漏落被告單位再漏落你個單位 原告：我唔信囉 法官：查實你想喺本案得到d咩？ 原告：出個禁制令俾佢哋，嚴禁漏水 (後記：其實有好多方法可以消啖氣，無謂吓吓燒銀紙）