話說今日約咗家姐出門行個大運 就好犯賤地約咗入西沙GoPark 喺烏溪沙隨便食咗個午餐先搭巴士入去 （好彩食咗先入去，入面多人到爆炸😬） 上巴士後等開車（好很多人包括香港人、姐姐們） 然後聽到斜後面一家人（全中老年人）都幾大聲係度傾偈 ：「咁鬼多菲傭，塞滿架車，陣間肯定仲多菲傭」 ：「都唔知佢哋入去做咩」 ：「遲吓嗰度樓盤開咗就唔會俾佢哋入㗎啦」 我聽到嗰下o撚哂嘴😧 人哋放假去邊要你哋批准嘅咩？同埋個商場又唔係你哋開，大家都可以公平地使用呢個地方個喎 之後開車又聽到佢哋發表「高見」 ：「呢度咪咩簡約公屋囉！起係私人樓隔離咁鬼肉酸」 ：「乜佢哋有消費能力咩？」 ：「呢度買嘢物價好高喎！我係屯門買菜$20/2斤，呢度先得一斤咋」 之後我就無聽喇，總之佢哋開口埋口講嘅所有嘢聽落都好哽耳🙄 BTW，GoPark西沙嘅開幕令入西貢嘅交通情況雪上加霜 我哋係GoPark打完個白鴿轉，幫小八影咗幾張相，就慢慢散步行返出馬鞍山