『由健美變返去山系的我』 -❽年前既每一個秋冬 你都會陪我走過每一段既山路 基本上全香港，我哋都一齊去過 直到四年前嘅一個朝頭早 你離開咗我 從此之後，我就好怕去行山 因為每一次都會好唔開心 嗰一年之後 我就更加專注健身同比賽 特別係我公都離開咗我嘅時候·因為我公公曾經教我 『唔係自己嘅唔好要·自己嘅事就要做到最好』 所以一直以來我做所有嘢都係要極致最好嘅自己 但係當拎咗入場券 2023年接觸第一次職業嘅健美比賽嘅時候 就發現 如果要去到果種程度 要放棄嘅實在太多 特別係使用類固醇帶黎嘅副作用 而家停止左用類固醇之後真係女性化返好多 經過一年我決定唔再比賽 只係純粹每日去健身 繼續規律嘅生活模式 有啲覺得乏味冇目標 直到有一次同朋友一齊再去行山 『大東山 』 本身諗自己咁耐冇去應該頂唔順 點知好輕鬆 而且再行返山嘅時候，諗起嘅回憶 反而覺得係窩心 唔再逃避掛念呢個感覺 沿途亦都好嚮往以前嘅回憶 行山同健身，其實真係好似 因為當你好攰嘅時候已經唔係體力係意志力 有時候經過撤退點就好似食物帶比你嘅誘惑 自己嘅獨處 都學習緊成長，同埋解決問題 將健身嘅努力投放喺行山希望會繼續進步