掛住我嘅調色盤 當人哋嗰個次次攞嘅係一塊調色盤加一塊保鮮紙次次畫完即棄嘅時候 我用嘅係一塊鐵盤,一塊屬於我嘅調色盤,保留紀錄每一次畫畫嘅顏色 做咗咁耐嘅sba就係keep住用呢個調色盤,一直都諗住做曬之後就帶佢返屋企做記念 仲記得係當sba完嘅嗰一日 做完曬啲畫,做好曬research workbook嗰一日 VA室好多嘢,好亂,好多嘢要執 老師好急,好炆,好火滾 成間VA室淨係聽到佢喺度話人,然後又話我 ：成日淨係識得攞住呢個鐵盤,抌咗佢啦 我淨係掛住執嘢根本就唔想理,亦都唔夠膽理佢 當諗返起我個調色盤嘅時候佢就已經畀佢揼咗 嗰陣時心中毫無波瀾,因為冇時間畀我傷心,我仲要返去搞sba 但而家諗返起感覺唯一證明到我係sba入面奮鬥嘅嘢都畀人揼咗 我真係好唔開心 我甚至連最尾一張嘅相都冇影到冇留到念 真係好可惜 我嘅作品重要係有關享受創作 享受係因為我可以見到我嘅成果 付出 同埋一步步走嚟嘅過程 VA嘅SBA係屬於dse 但而家連屬於我嘅調色盤都就咁樣畀人抌咗我都覺得有啲諷刺 好彩而家都摷到兩張相雖然係for sba嘅資料 但都冇辦法只可以用佢嚟留念 想念陪我奮鬥做SBA嘅調色盤