MEI將取代DEI成為新請人框架 硬實力至上？ 前幾年 好多公司都用DEI理念去請人 想提升多元化 畀唔同背景同經歷嘅人參與公司發展 但踏入今年 各行各業競爭激烈 MEI（Merit, Excellence, Intelligence）慢慢崛起 用「能者居之」為先 從技能表現同解難能力去揀人 唔再著重部分背景 MEI理念 用最客觀標準評估過往成績同經驗 搵到top performer 市場急速轉變 請高效能員工去應對市場壓力 簡單嚟講 就係「Hire the best person for the job」 當然MEI都有潛在盲點 例如多元化能否兼顧？ 只睇硬實力 或會忽視唔同群體原有條件同資源差異 錯失各種創新角度 同溫層風險 沿用同一套標準 可能只請到同類型人容易陷入同溫層 尤其喺AI 創新等需要多角度思維嘅領域 最後可能自我局限 對於今時今日想突圍而出的公司 MEI似乎會成為新趨勢 其實喺上年已經開始見到唔少例子 Hiring manager幾乎唔容許「請錯人」 一定要個人有九成以上能力配合要求 同時公司亦唔預留太多空間畀新人學習 期望新人「一上場就打得」 即買即用