今個農曆新年開得唔係咁好，好多cases，壓力山大，仲要有一個下屬對我態度勁差，講嘢令我以為自己返返去grad school出緊實習。 佢係另一個國家新移民，以前都係SLP但而家未轉到牌，我轉到牌之後都有好小心，佢唔講唔會特別問佢轉成點，講嘢好客氣，問佢意見，但原來有啲人會當你嘅kindness係weakness，嗰個星期對我嘅打擊都幾大。我同manager傾偈都哭𠹌咗，manager分享返自己升咗職，有啲人都唔放佢在眼內，因為佢形象比較chill，所以對某啲人真係要劃清界線。 好彩啲同事好好咁問我有冇事，manager都有約佢傾偈，叫佢諗吓自己喺呢份工嘅expectations，呢度返工唔包mentorship 等等。就算我勁嬲呢個人，有時我都忍唔住代入佢角度諗，佢都有佢嘅難處，佢太traumatized所以先咁defensive，有時我嘅compassion真係令我好攰。 蛇年第一課：有啲人其實唔需要理解，只需要對佢blunt啲。