當「無明」不再無明 人大咗，其中之一嘅煩惱 恐怕離不開被母親多番熱心問候： 有無識到仔（女）；幾時有男朋友仔（女朋友仔）；乜未有！？人哋都已經結埋婚，仔都生咗幾個⋯⋯ 每次聽到，唔反白眼都好難，只會覺得好厭煩，唔想同母親有太多交集。 但有冇唸過WHY？ 有冇試過理解阿媽嘅成長背景？ 點解世間上有咁多事唔去關心，偏偏揀感情嘢嚟煩我？連自己都未答到，叫我可以點樣去回應你？ 事出必有因 明白咗個因由之後，「氣」就會自然消咗一大半，可能仲會笑自己之前嘥咗咁多時間同阿媽牢嘈，諗返都覺得無謂。 首先要明白，我哋做仔女嘅，喺扭轉唔到阿媽嘅世界觀、人生觀、三觀（或極難做到） 試想像，阿媽一生只為咗頭家。 好多時，因為家中冇錢，未完成學業就要出嚟打份牛工，更加唔好講話有時間、心力、金錢去培養個人嘅興趣/建立個人品味/增加對世界嘅認知/專業知識/人際溝通技巧等等。 佢哋所知嘅就只喺（實務上）打理好一頭家： 準時煮飯/洗衫/洗廁所/交水電煤屋租/買餸/洗碗/湊仔/確保仔女著得夠、食得飽、無病無痛/計住屋企嘅各項支出⋯⋯ （1/2）