同阿媽去旅行 真係一門學問⋯ 今年要打大佬同媽媽去旅行，雖然已經嘗試做好心理準備，但係始終都令我憶起以前一齊住嘅種種「回憶」 1. 成個旅行由我安排，雖然一早已經同佢講咗行程細節（俾埋Wanderlog 條link佢睇），但係永遠都last minute要求更改。只會發表意見，但係冇建設性嘅替代方案。 2. 明明一開始對個活動無意見，但係去到參與活動嘅時候，就同工作人員講話佢唔想參加，可唔可以安排自己坐/企埋一邊影相。（最後工作人員同佢講唔可以分開行，所以佢都要參加。） 3. 只有人哋等佢，但係佢唔可以等人。去到想食/人氣嘅餐廳見到好多人排隊，立即發脾氣話點解要揀呢間，要求去其他啲地方食。 4. 因為有租車，所以除咗第一日行過出去市區外，之後都要求我先生揸出揸入，唔想行路。（但其實我哋認為某啲地方行路去睇先可以感受到當地嘅氛圍。） 5. 佢帶咗好多好重嘅攝影器材，全程搭飛機我哋都幫佢拿行李箱同放上我哋座位行李架上（因為佢自己買咗位，唔係同佢坐）。點知去到當地旅行嘅時候，佢奉旨覺得我/先生要幫佢孭背囊。如果我哋唔孭，佢會企喺度望住我哋，等我哋返嚟幫佢拎為止。 （留言續）