續談回流的問題。利申，我係留港L(起碼暫時係)。 但我好明白移英呢班人嘅心情，其實好多人唔係好High咁話要走，佢地大部份人其實有得揀都唔想走。我其實好佩服佢地，最起碼我而家仲未有呢個勇氣。 我唔知有幾多人，真係有萬全準備先移民，我估都唔係大多數。而如果唔係大多數，我亦都覺得好多人會有好大不安感。尤其係好似我呢d本身冇長期喺外國生活過嘅人，呢下野完全係跳出舒適圈。有好多仲係生離死別咁離開，唔識，唔敢，唔了解，係好正常，真係叫摸住石頭過河。 就好似創業一樣，幾乎冇人係萬全準備先進行。新手創過業你就明幾無助同幾易失敗。講真，你移民唔順利，幾乎係一定，一定比例最後唔成功要回流，都係可以預期。 既然人地咁有勇氣行出呢步，你又唔係移民達人，又唔係幫手。你作為輔導，其實講呢d野合唔合適呢？ 就好似，如果我要講，大把係唔好講移民。自己喺香港生活都未叫到過得好從容，我開個post數你班友唔識呢樣唔做呢樣，財自唔到正常發揮啦...咁又會有咩後果呢？咪就係好似當年劉鳴煒咁囉.... 人永遠就係咁，過左海就神仙，用自己黎做標準。見得多case，就滑哂啞，真係你唔係做輔導，都冇咁大鑊。