🌿 EP.30 我聽到之後望住🌿 比唔到反應 係到諗緊 係唔係真架 佢係咪真係問緊我 🌿驚左 捉住我隻手 🌿：喂呀你快啲答我 好唔好啫 我輕輕點點頭 佢就好激動咁攬住我 🌿：好野！ 就係咁 我地就一齊左了 我地一齊個段時間 真係feel到🌿好錫好錫我 我都開始會為段感情付出多啲 令佢感覺到我都同佢鍾意我一樣 都咁鍾意佢 當然會鬧交啦我地 但都好似唔算好大件事 仲有 🌿考完DSE之後 一直好擔心去唔到台灣 所以不斷keep住報學校 最後最後佢係比香港嘅學校收左佢 所以佢係冇去到台灣嘅 個陣覺得都算係幾驚喜 一直都以為佢就快走 好好把握時間相處 點知又唔洗走啦喎 我覺得🌿所有野都好好 唯一一樣野唔好係錢銀問題 我唔係好鍾意佢需要用錢個陣先去係咁搵part-time返 但平時又唔點儲錢 不過諗諗下佢都好辛苦 冇人冇物 要自己照顧自己 但佢對我係好好的 佢好多時賺錢都係為左請我食飯 買禮物送比我 （雖然我成日都偷偷塞返我個份比佢 就係咁 我地平平淡淡好穩定拍左一年幾 直至某一個月 我同一個朋友去左日本旅行 去到我回程個一日 我一到左香港 就打比🌿 諗住叫佢起身返工 點知佢熄左機 打唔通