出賣阿媽系列出！我覺得我阿媽真係超可愛！ 話說尋日游完車河打俾阿媽問佢係咪屋企，之後走咗去探吓佢，傾咗陣間講起我呢排有帶隊執吓垃圾，阿媽第一個反應係「點解要咁做」？又冇錢又辛苦又污糟邋遢，乜都冇做嚟做乜！ 我好認真同佢講，因為生意好差，23/24年過得好辛苦，想做吓善事希望好人有好報，增加正能量加強人生嘅功德！佢聽完之後都仲係覺得咁辛苦為乜！之後我俾咗對上六次執垃圾啲相佢睇，佢睇完之後態度180度轉變，佢話：原來咁多人陪你㗎，點解佢哋乜都冇都會陪你嘅，我話其實香港仲有好多好好嘅人，一齊做吓運動一齊做吓啲有意義嘅嘢，都不知幾開心！ 跟住佢就逼我send啲相俾佢，佢話要做紀念同埋得閒睇吓會好開心喎！咁樣算唔算氹阿媽嘅一種？❤️❤️ 不過話時話，喺個山度好多人感謝我哋，其實嗰份滿足感真係好強！啲正能量簡直爆標！可以嘅話我想一直做落去，每個禮拜都有10幾個人陪住做啲有意義嘅嘢，感覺人生好精彩！ 最後：我以為新年冇乜人陪我玩 點知聽日而家已經有18個人一齊執垃圾啦！ 好感動呀，你哋真係好🙏🏻🙏🏻🫡🫡