有冇人同我一樣自從工黨上台之後，每一日都喺度諗究竟自己係咪移民錯咗英國？我本身嚟英國嘅目的係為咗發展自己嘅事業/學業，但佢哋每一日推出嘅政策都真係會令你人神共憤。監獄唔夠位，好，我哋將啲罪犯提早放出嚟。非法移民我哋唔會停止佢入嚟英國，我哋要俾四星級酒店佢住。BBC營運唔掂喎，好，唔睇直播電視嘅人都要交TV license。Council想攞多啲錢喎，好，我哋申請破產，就可以加council tax >4.99%。呢個政府每一日就係諗計仔點樣喺納稅人手中撳多啲錢，例如non-dom 身份會取消，私校加20% VAT，加永居申請費用，水費都將會加起碼30%。 即使我有份收入唔錯同穩定嘅工作，唔代表我想俾多啲錢去填補英國嘅財政黑洞，助養難民住四星級酒店，佢啲政策係仲衰過現今香港。不過我入咗籍之後都會走，所以要努力捱多兩年。不過工黨每日嘅招數都唔同，我擔憂到時仲有冇5+1政策都成問題，分分鐘可能改制要10+1先得，或者到時挽野阻撓唔批永居俾我哋都唔出奇。 英國 香港