返工見識到香港男嘅心靈係咁脆弱。 得寸進尺俾人話返轉頭，仲會覺得自己俾人蝦。 人哋講返佢一句，就玩小圈子。男人之間仲要有個小圈子。 事事冇主見，我唔止一次見到男性返工係會提住阿媽嘅意見。 專係蝦團體入面比較易話為嘅人，係要屈人哋一餐奶茶之類。見到老細就烚熟狗頭。 女性講嘅任何句子，只要唔係稱讚，都會覺得係俾人攻擊然後大驚小怪。 一身排骨或者鬆泡泡嘅腹部，仲好意思評論女性嘅外貌身形。 車過女同事搭一次順風車，就講到自己好似同人好熟咁😓 欺善怕惡，以為自己係食住個女朋友就原形畢露。 口沒遮攔講自己同女朋友嘅私人嘢嚟攞優越感。傻仔嚟，你嗰身排骨有乜優越感？ 兼且，真係要避開一啲基層公屋出身、由細到大屋企冇資源嘅男人，自卑係會令佢哋有好扭曲嘅心態，常人好難理解。望吓連登就知。