襯早前年廿八 清走廿八件衫褲鞋襪袋 時裝手袋唔追季 投資一萬買隻袋只可以跟幾個月 你唔好以為H牌長青 每季都有特別皮特別色 追同處理過季物品心好累 波鞋以前我係跟得好貼 人人讚好嘅H牌我追住一出新款全黑就買 但腳型關係 對對都著到腳痛 好唔係我嘅情況下買對舊型號N牌 一試不得之了 將十幾對波鞋捐淨3對 皮袋賣晒轉用布袋 貪佢洗得 另加一大一小背包 衫褲色只著黑藍灰 之前睇過幾條youtube片 一個上班族 幾件衫褲mix and match 30日打扮 坦白講我完全唔記得過去7日班同事著乜衫褲鞋襪 所以我唔覺佢地會記得我著乜 衣櫃keep 10件Tee 7條褲 香港冬天越來越暖 兩年冇買冬季衫再承接屋企人一件馬仔牌羽絨 就因為精簡生活 我唔再需要前一晚諗定第二日嘅打扮 以前就算安排咗又因為第二朝心血來潮搞一轉大龍鳳轉打扮 工作地方甲級寫字樓 目測有在精緻打扮真心冇幾個 公司出名大俊男COO平日走smart casual路線 睇晤到任何大Logo上身 跟身化妝袋最近再減少物件只保留潤唇，眼藥水，分装手霜，小型化妝鏡同薄荷油。 精簡生活好好過日子。 JALO生活規劃整理師碎碎念