我自己理解係 分工：將不同target audience分配去不同設施 分流：將相近嘅target audience distribute開

幾時都支持有alternative route，你唔會想好似屯公吐公咁撞一撞就塞幾個鐘

我覺得定位： 北都公路可以配合埋10號、11號幹線，直接從天水圍經藍地出荃灣，唔需要途經元朗 其實依家朗天路路口成日有啲塞車，將來可能會有啲問題

分流：今日假日紅隧同西隧 分工：以前紅隧同西隧

發文者根本不從宏觀角度去看此新幹道，以至不明白為何要多建一條公路。其實現時九幹西北路段真的有點飽和，多加新發展區就會令現有道路負荷加重，若不建新公路的話，就算鐵路會有北環綫去分流，到時還是會經常堵車啦。

分流：屯公同青公 分工：屯公同大欖、荃錦同大欖

香港咁細，仲要界定分流定分工😂 將軍澳明顯既係分流亦係分工，將南嘅南直接行新路，同時將南以外嘅塞車經新路分流 屯公同青公係錯誤例子，一來青公本身係一條沿途有民居嘅路（嚴格來講都唔係highway），屯公係highway，二來繁忙時間本身都互相製造塞車（住屯門，九龍港島返工就明

屯公同青公係分工，兩條路嘅背景完全唔同。 屯公最大敗筆係因為當時屯門被定位為衛星市鎮可以自給自足，只有少量居民需要跨區工作，所以屯公設計容量比現實低好多。

如果只講西段（洪水橋至牛潭尾），可以話佢炒冷飯，單純為北都連多一條「繞道」分流就算。 政府80年代初步研究過，為天水圍中部加多一條幹線，接駁元朗工業邨同凹頭；而早喺2001年有區議員「重提」相關建議，路政署2003年檢視西部公路接駁路時，都有提出唔同走線方案，最後擱置。 如果講redundant highway，新版本屯門繞道都幾有相似位，將藍地交匯處變成超級交匯處，嗰一帶冇第二條公路分流，到時匯聚3條公路（屯公、西部公路、11號幹線）交通流量會點，大家可想而知。（政府OS：得㗎啦） 老實講，作為居民唔會滿意同理解新公路走線，呢個係基於政府單方面砌呢份功課出嚟，新界北產業規劃談唔上協調，掉轉咁諗，天水圍喺政府眼中只係有「完善規劃」嘅純住宅區，咁大不了將佢直駁洪水橋咪算，而家佢聽議員講再駁過去，擺明無私顯見私，無認真諗新公路受益者係邊個。

7. 應該講緊「五揚高架」？