係咪因為身邊人嘅影響呢？ 我有個朋友爭勝心好強 最近聽佢講心事， 佢話自己最近忍唔住成日都同人比較 每分每秒都會諗，咩人都會走去比下 聽完佢訴苦 作為好朋友嘅我有好多種想法 一來同情佢最近活得咁辛苦 二來諗佢係咪都有想同我比較，鬥贏我嘅諗法 雖然佢話無，但我覺得一定有 我唔係好鍾意將輸贏同競爭放得咁大 我其實唔鍾意佢日日都咁大壓力 成日都話要skip lunch爭取時間溫書 做每件事都話浪費時間，事事計較利益 我唔buy佢咁大壓力會有好效果 但我唔敢同佢講 因為佢都控制唔到自己 呢個唔係佢嘅錯 而係成個教制同社會氛圍逼使佢咁 但呢種高壓嘅氣場令我都好大壓力 我都漸漸重視勝負 我唔鍾意自己變得咁好勝 我唔想咁在意別人嘅眼光 應該要點轉念呢？

我同你一樣都好care人地嘅眼光🫠🥹樓主會唔會試下study leave嘅時候去cafe或者一啲冇熟人嘅地方溫，睇下會唔會好啲，再唔係就喺屋企溫🤣

點講好呢，我會話平常心咁， 唔多唔少都係會同人比較，一定會。 試下加一啲做運動嘅時間， 係可以令到自己專注啲咁。