「臨時決鬥」同 「祥賭必贏 」買飛時真係思前想後到底睇邊套先，兩套既人物都好值得入場。前日睇左祥賭必贏，今日早場臨時決鬥，睇完有種過完年既感覺好似了左件心事咁，聽日好安樂咁做野。 臨時決鬥套戲既推進幾流暢，覺得有啲似賀歲版九龍城寨圍城咁。套戲都好多笑位，每個都好出色，又好貼地玩左好多時下好爆既話題諷刺時弊。王丹妮d 眼神好銳利，一路睇一路諗到底有冇做安全措施咁打法拍個陣應該幾痛。梁詠琪依然都係賀歲片主角，好到肉我都想睇佢做奶奶既角色。Mr Ko 仲係龍捲風feel 同泰式王九對打好搞笑。陳湛文好飯戲攻心，要講下Kathy 仔係大銀幕好靚女做得好自然。唔劇透，都希望套戲大收旺場。 Btw, 可能年紀唔同左，但好懷念周星馳個種喜劇元素，家有喜事每年都會睇一次。。