英國生活風水命理 再講多個關於風水命理嘅故仔。 有日，英麻san同老豆傾視像電話，講起美國大選。 「老豆，雖然你鍾意Trump Trump，但都要客觀講嘅，你估邊一邊贏？」 「仔，你都識計架啦，不如你話返俾我知，邊一邊會贏？」 「Trump贏左九成九，我睇完Kamala個八字就可以斷言。」 「嗯，」老豆滿意道：「100分。」 「講真，都唔係咁難推。你講過名人斷命易過普通人，因為佢地命格特別。好似Kamala，壬水日主，睇年月日已經斷到係食神（木）制殺（土）格，佢位高權重，命盤不容破局嘅雜質，不能見財（火），因見財，則食神力量轉移生財（木生火）而不能制殺，亦不容見偏印（金）奪食（金尅木），所以時辰都易推。」 「然後你又講過，過中秋開始入新一年氣，平常人無乜野，但Kamala呢類命局需純者，假如新一年有雜質就會好大鑊。2025乙巳年，巳為財，救局者命中雖帶申，但申係偏印，觀乎Kamala成就，原局不可能帶申！所以一定破局無救！」 老豆滿意道：「100分。咁破局後果呢？」