新年流流，好多人post 求籤野 我經驗係 黃大仙 真係好！準！ 求過幾次籖，即使當下唔明啲籤文有咩啟示，事後都會發現其實大仙係指點緊我，我當下唔明白當中意思，只係我自己唔想去明白！ 其中一次神準係，好多年前， 感情混沌期，個時都係玩下交友app ，通常都係越玩越迷失啦 於是去黃大仙求助支籤，岀左枝 02籤 籤文如下 王道真誤入桃源 上吉 枯木逢春盡發新 花看葉茂蝶來頻 桃源競斗千紅紫 一葉漁舟誤入津 枝籤完全係係講緊當時嘅我，枯木😆😆 大仙指引我順期自然，唔好刻意強求，自然會有驚喜！ 冇耐後我就識左我老公😆 所以我每年都會去參拜黃大仙， 我唔係次次都會求籤，我只會係好迷失嘅時候先會去求🙏🏻