離開裸辭的公司仲有幾日，心情唔知係咪關食咗藥，所以無感覺。 同對上一間工作十幾年嘅公司，雖然因為同上司關係不和，但至少識得一班好同事，離職時候有啲感觸同不捨。 工作咁多年，得出嘅領會，就係喺適當時候先好發力，無機會嘅時候無必要浪費努力。D人成日話做人要努力，因為總會有一日會有人會睇到你既成績。哈！呢個純粹安慰自己嘅諗法。不斷努力而往往事與願違嘅情況，比比皆是，既然係咁，不如留返啖氣，留返時間同精神比自己，做自己開心嘅事。 裸辭，並唔係為咗逃避公司嘅問題，而係唔值得再花心思留係呢間令人磨蝕精神嘅公司。我知道呢個係對自己最好嘅決定。