早晨大家，我情況update 跌低嘅地方陸續浮現瘀腫 左手手指尾中間個節骨係斜住斷 唔怪得知我隻手指彎咗 考慮到手指骨好細，就算開刀接駁唔見得好大成效 而且我好怕痛，亦唔想開個窿唔掂得水 所以唔會做手術，晏少少會整個支架托住隻手指 條骨應該六個星期會生番埋 但係靈活度需要物理治療去練習 萬幸係手指尾🤘🏻 遲啲喺舖頭見到我沖茶「蘭花手」我唔係特登㗎😂 由於骨折，所以入咗醫院 尋晚警署打俾我進一步了解當時情況同埋我嘅傷勢 警方透露當時係捉咗個男人 但係佢有冇羈留，係冇人答到我 只係答咗我一句對方有個四歲嘅女要照顧 警方冇可能拘留佢咁耐 我問放咗佢出去，如果佢走咗咁點算？ 警署答我會發出通緝，同埋永遠唔可以入境香港 （🥹唔嚟香港好小事….） 對方持有旅遊證件，有冇熟悉法律嘅朋友可以話我知佢會唔會證件到期就放走？ 佢推跌我仲想郁手打我嘅時候自己整親隻手指 當時大大聲話我整親佢隻手指， 佢去到警署就話自己隻手指係唔知點整親🙄 希望晏啲有警務人員打俾我，我再update 人來 @being_and_i ，幫本宮戴個護甲💅🏻