講講背景：由細到大都同阿爸嗰邊親戚一齊住，關係算好close ，有時D嘢prefer 同佢哋講都唔同父母講。但因為前我老豆同佢兄弟姐妹嘈大交就話要搬岀嚟住，十幾嵗人未試過淨係同老竇老母生存係同一屋簷下，每晚返到嚟就係聽我老竇老母講啲親戚，話佢哋呢樣唔好嗰樣唔好。夾喺中間嘅我對住我父母真係好辛苦，有時過去嫲嫲屋企瞓，返到嚟我父母會話我黐佢哋都唔黐自己父母，就話以後都唔理我等等。試過我駁嘴，同佢哋嘈交，佢哋連返學車錢返錢都唔俾，補習費更加係全部cut晒，我好記得每次都係我嫲嫲資助我。當然，比父母知道我問阿嫲攞錢，又俾佢哋屌。 到今日分開住，我老竇同佢啲兄弟姊妹可以話係交流。到新年去拜年，佢話唔去，我做女嘅好心問一句，話你點都要同嫲嫲拜年，佢做大聲過，我話「關你撚事？我唔去使乜同你交代」冇錯，我老竇係會用粗口鬧我。雖然到最尾今日佢都有去，但係搞到一家人都好唔開心。本來我好開心一早就去咗佢哋屋企，覺得佢哋屋企冇咁壓抑，可以做自己，但係佢哋就鬧我話應該要一家人齊齊去拜年，我老母由細到大都同我強調「只有我哋三個先係一家人」，每次佢講呢啲我都好反感．．． 續