繼上篇：我知道我老竇老母先係養我嗰個，但係我覺得佢哋除咗俾錢，完全冇關心過我，淨係識得話我冼佢哋錢，黐其他親戚都唔黐佢哋。但係我阿叔姑姐阿嫲嗰啲一直都好關心我，我覺得錢係比唔上呢啲。我已經唔係要我父母買啲咩俾我，就係基本學費冼費都要咁樣講，咁當初到底點解要生我？每次我話去嫲嫲屋企，佢哋都會俾啲風涼話我聽「佢哋唔係好錫你咩？你叫佢哋養你呀嘛。」即係點解做人父母，你可以講啲咁嘅嘢？生仔真係需要考牌。天下間好多想要小朋友嘅都冇，點解我咁樣嘅父母一次就有？唔想養嘅真係唔該戴套。 新年放假要我出街，其實我唔係唔想出去，純粹只係唔想同父母去。你話我父母係咪一直都係咁？又唔係。但係每次對我好得兩日，轉個頭就過幾日都唔想鳩我，我做女嘅都覺得好心寒。我老竇仲會問我借錢，係我辛辛苦苦慳返嚟嘅錢，借嗰陣好聲好氣，唔借就話你自私，到叫佢還就話「你啲錢咪又係我嘅」就冇咗件事。一個16歲嘅學生，冇收入，淨係靠儲零用、利是錢，佢都好意思唔還，借親仲要唔係幾百蚊。新年都冇話會包利是俾我，其實我唔在乎幾多錢，睇得出有咁嘅心就得，最弊佢隻字不提，關心都冇句。 寫出嚟當係發洩咗 多謝你哋睇到呢度❤️