=畫室日常 之 舊Sample改造行動= 分享一個我哋畫室應該相對特別少少嘅恆常工作。 畫室嘅班組會按服務對象特性，而設計內容，因為每次教學嘅主題作品都唔同，同一個sample其實甚少可以，多次重複於其他嘅課堂作為教學sample使用。 隨著每進行一次課堂，每設計一個全新嘅作品，同時就意味住生產一個新嘅sample，而慢慢地sample嘅囤積，變成一個需要處理嘅問題。 畫室服務理念嘅關係，令我哋有一個比較特殊嘅恆常工作，就係定期揀選可以透過改造，變成新教學sample嘅作品，定期進行改造同創作，解決舊sample囤積嘅問題，同時亦都將資源循環使用，避免素材浪費。 說實話， 為每一個課堂、每一班服務對象，都tailor made作品 ， 重新設計步驟， 目標係希望服務使用者唔會因為能力限制咗佢哋接觸藝術活動並從中得益。 同時，亦都希望樹立 畫室嘅作品同教學係獨一無二嘅形象。 一個理念嘅堅守 ，絕對能夠令到一個課堂，前後要準備嘅功夫，變得相當唔同。 其實都辛苦㗎🫠但值得。借今次機會，分享畀有興趣了解我地畫室工作嘅朋友知道。