值得入戲院支持嘅《香港四徑大步走》🎬🏃🏻‍♀️🔥！ 終於抽時間睇咗四徑，無煽情嘅故事，但好多嘅片段都令我好動容。 令我諗返幾年前行麥徑全走嘅好多片段，仲記得第二晚又凍又攰、眼濕濕咁上有無數梯級嘅草山，甚至行到第三日，全個腳板底都生緊水泡（故事教訓要着厚襪），我諗好多人，甚至當其時嘅自己都會諗：「做咩自己攞苦嚟辛……🫠」 係無數個想放棄同堅持嘅念頭之間，不經不覺我行到黎夢寐以求嘅終點，嗰一刻覺得好多係行緊時腦海跳出黎嘅問題就得以完美解答：所有的磨難都係一個重新認識自己的過程。 我覺得行山嘅魅力在於——你係自然面前顯得如此般的渺小，然而渺小嘅自己亦可以因念頭變得意想不到般的強大。 行麥徑全走絕對係我人生最美好嘅回憶之一。