「DC9」（的士狗）-香港 City Walk 字典 「DC9」是「的士（Taxi）狗」廣東話諧音。形容禮貌差，服務差嘅的士司機，帶有貶義。 唔過海（住何時段都話要交更），短程不接，扮唔識路，兜路，只收現金，講粗口，使用道路太霸道。久而久之，香港人對的士產生巨厭惡感。故稱的士司機為狗。 但，行業慢慢有新人入行，而且Uber Taxi冒起，開始有良幣驅逐劣幣之勢。 所以如果見到識笑，態度好嘅的士司機，都不妨讚佢兩句，比少少貼士，鼓勵吓。 📸攝於旺角彌敦道（*經典紅色的士，只限香港九龍區） 📸Fuji xt5