我覺得性同愛係唔可以分開 唔係話「分唔開」，而係話我唔會咁做。 我種緊一棵桃花，我就會用盡全力去照顧佢。 但有啲人，會一次過種幾棵桃花。 有啲得花蕊，有啲已經開晒花，有啲就兩樣都有 每棵都可以滿足你唔同嘅觀賞需求。 但每棵你都無辦法用心去照顧， 最後花蕊好快凋謝，啲花越開越弱，顏色越嚟越淡。 然後你就再買過其他花，唔試多啲又點知邊棵啱喎。 呢個世界有冇注定唔會開花嘅桃花？其實我都唔知。 或者種過一段時間，放手係最適當嘅做法。 . 但我選擇等待，選擇相信，會有一日，我唯一一棵花會開到好靚，然後就算佢開始凋謝，我都會覺得佢好靚。 又或者就算佢注定唔會開花，我都會同佢好好道別。 我唔會、唔想、亦都冇資格去judge任何人。 我只可以選擇遠離，保持距離。 咁做嘅我一啲都唔高尚，一啲都唔清高。 我只係個傻仔，天真到令我自己都想喊。