深夜最適合emo 由以前幾歲開始屋企都攞住綜援過生活，degree畢業之後揹住grant loan。一個細佬因心理問題做緊隱青，另一個細佬仲讀緊書。本來出嚟做咗三四年嘢覺得自己一個人有能力養到全家，點知喺一年前確診咗思覺失調，有被迫害嘅幻覺，仲有一段時間情緒不穩到日日匿喺公司廁所度喊，住咗青山一排同轉工之後情況先有改善到（但人工低咗唉）。 有時覺得自己可悲得有啲好笑，好似由細到大都無資格獲得幸福咁。讀中學嗰陣因為相貌俾人恥笑咗好耐，內向到近乎社恐，愛情對我嚟講係第一個不可能；屋企嘅經濟問題同雙親嘅健康情況令我有少少唞唔到氣，擺脫原生家庭嘅負擔目前嚟講係第二個不可能。 加上成長環境唔同，我感覺自己同其他人格格不入，見識明顯貧乏好多，有時會厭惡睇社交平台，因為不自覺會同其他人比較而自卑。 好攰，好多樣嘢加埋一齊用文字組織出嚟都有啲困難，寫到1999。 未來嘅目標都係儲錢同進修，希望將來會更好！