呢份焦慮感覺其實好熟悉，好似童年時候嘅分離焦慮感覺，好驚被拋低，每日都好驚係最後一次，好驚會變成永恆，但係為左生計唔可以留下，只能夠迫著自己消化呢份恐懼，除左喊冇野可以做，但係亦唔喊得，好無力，好似只可以被迫等待可怕嘅事發生而自己無能為力，只係可以去接受可怕嘅事而冇辦法去改變。不過依家我已經成年，分離焦慮呢啲嘢唔應該存在，亦唔明白點解會依家突然出現而且感受咁強烈，我好驚好驚但我已經冇曬放鬆藥，好辛苦，辛苦到連出門去睇醫生都好難。可能以前冇點經歷過幸福快樂嘅日子，依家生活開始有少少變好跡象時就覺得會好景不常，好驚好快就會失去，腦裡面全部都係最worst嘅情境。但係我好少有呢啲幸福嘅moment，好想試下去享受呢啲時光，但點解我連去感受幸福嘅能力都冇？人地可以喜極而泣，但我只能夠因為憂慮而哭