繼上篇：我完全唔明點解啲老竇老母細個咁鍾意逼人學呢樣學嗰樣，但係真正鍾意嗰樣嘢，學到高級學費貴啦又唔俾你學，真係吹脹。冇錢冇儲蓄，學人為咗啖氣辭職，仲要係新年前，你有冇諗過點樣填番條數？即係你為咗啖氣就可以叫我唔好補習？叫我靠學校老師，如果學校老師教得好，使鬼補習？老母話有心可以上網自己搵免費資源，再唔係去書局幾廿蚊都買到練習。學校教嘅係簡單，永遠就唔係嗰回事，你估Band one學校啲老師一定好？個個咪又係靠補習。我由單位數考到合格，你唔話我進步咗，都算。你問返我轉頭，俾咁多錢我補習都淨係得合格？佢自己又唔係成績好，而家有得補都係我求咗佢哋好耐，補習老師都係自己搵，而結果係真係有好大進步，連學校老師都讚，點解做父母嘅永遠都覺得自己個仔女唔夠叻？點解就唔可以睇我哋進步咗幾多永遠都係要考到全級第幾先滿意？其實有得揀我都想喺讀書好叻，樣樣都掂嘅人，而我點解繼續學琴繼續考級，都係為咗如果將來讀唔成書，我起碼可以出嚟教琴，又穩定收入未至於要靠佢。我話賺到錢要搬出去，佢話到時要交家用俾佢當係儲錢。我細個信佢哋會幫我儲錢 將我所有嘅利是錢全部俾晒佢哋，但佢哋一蚊都冇儲到，真係吹脹。