懶咗成個月，要扚起心肝準備第2隻馬拉松，三個月後，就係溫哥華馬拉松。 2025年正式投入加拿大🇨🇦嘅生活，好多嘢都要慢慢適應，慢慢學習。未嚟到溫哥華嘅時候，幻想嚟到有好多好靚好闊嘅街道，可以出去跑步去認識溫哥華…幻想永遠係美好。首先繼續唔係住係公園或海邊附近🫠，除咗空氣好啲 & 少人啲，路面情況同香港差唔多，跑幾百米過下馬路，等燈等幾分鐘… 最令我有啲少崩潰係，成日落雨，密度一定多過香港，返咗嚟兩日就落雨，再嚟入冬第一場雪….所以置部跑步機對我嚟講係最好，上一隻馬有8成時間都係跑步機練。 今次全馬無咩大目標，不嬲都好佛系，最緊要唔好受傷，順利完賽。