最近多咗好多人「返大陸玩」，於是諗起自己以前去中國旅行嘅經歷。 話說偏遠少少果啲二三線城市嘅物價，真係可以低得好離譜，五毫子一支雪條，五毫子一包媽咪麵（翻版）都有擺過落口，而夜市嗰啲串燒檔，真係可以做到兩蚊一串串燒，幾個人食幾十串，一百蚊都唔使就可以埋單。 食嗰陣其實都有諗，究竟點先可以做到咁平？係肉嘅成本好低？定係唔使交租？但都係決定唔好諗太多，否則根本食唔落。 食完之後，就比我哋見到有個伯伯喺度摷垃圾桶，然後發現佢會將大家食完用過嘅竹籤收集，再攞去沖一沖水，然後就交返俾舖頭，等佢哋可以做新嘅串燒。如是者，就比我發現咗其中一個節省成本嘅方法。 當我講咗個故事俾女朋友聽，佢嘅回應非常簡潔： 「呢啲咪就叫做環保囉，個阿伯仲會揾水沖一沖啲竹籤，已經算好好。」 自此之後，盡可能都唔會「返大陸玩」了🙏🏻