近排見到好多人將生活中嘅問題歸咎於「原生家庭」，話佢哋點樣唔好、點樣 toxic，甚至認為一定要早啲遠離佢哋先可以過得更好。 我完全明白，原生家庭可能帶嚟嘅傷害、情緒勒索，呢啲嘢唔係講笑。我自己都感同身受，所以我唔會輕視呢個問題。 但我唔相信所有傷害都係無得彌補嘅。唔會同你講啲老土嘢，例如咩「父母養育之恩」嗰啲。你當父母係普通人，唔帶感情分數去睇：如果關係有裂痕、有問題，其實有幾多人係真係願意攞出嚟講？攞出嚟一齊解決？ 退一步講，就算傾完唔得，起碼對方清楚你嘅立場；同時你亦可以喺同一件事上，清晰地守住自己嘅底線，做到「一步不讓」。 但如果乜都唔做，就話「我要遠離原生家庭」，你有冇諗過，可能問題唔係原生家庭，而係你自己太任性？係你拒絕溝通，係你只顧住自己感受，而冇諗過其他人嘅立場？ 原生家庭