有時見到呢啲「批鬥文化」，真係有啲擔心。會唔會有一日，因為怕畀人攻擊，好多人都唔敢勇於發表自己嘅睇法？咁樣嘅話，社會上嘅聲音仲係咪真係多元化？仲係咪代表我哋每一個人嘅真實意見？「和而不同」呢樣嘢，仲存唔存在？ 其實，類似嘅情況喺外國都發生緊。好似最近嘅格林美頒獎禮，引起咗好大討論。有人問點解Ariana Grande冇提名，點解Billie Eilish冇攞「年度專輯」，點解會係Beyoncé贏？但外國嗰邊，呢啲討論反而越多人參與討論，就越多人想了解發生咩事，甚至會俾自己機會去聽吓Billie嘅專輯，或者研究吓點解Sabrina Carpenter咁紅。我覺得呢種氣氛係健康嘅，因為大家透過討論，學識尊重唔同嘅睇法。 不過講到尾，我最擔心嘅係，會唔會有一日，一句無心嘅評論就引來鋪天蓋地嘅攻擊？如果社會變成咁，咁到最後只會剩低一種聲音，因為所有人都唔敢講出自己嘅真心話~