關於芬太尼毒品，我想講主流以外嘅觀點。 現實過得唔好嘅人，想依賴某樣嘢係好正常嘅事。運氣差嘅會掂毒品、好啲嘅會從宗教獲取安慰，或者透過犧牲思維上嘅批判性嚟壓抑自我。 問題在於喺國家機器同資本主義裡面，暴力同剝削係根本性嘅一環，而個人除咗躺平、做鴕鳥或者抵抗以外，似乎就無嘢做到。但係呢種諗法又預定咗人生只有改變現在同未來兩種可能，有啲似西西弗斯推石頭咁樣。 關於呢點，日本小說《命運石之門》就刻劃過「向過去嘅自己send email嚟改變過去從而扭轉現在」嘅操作。實際上re-interpret過去亦係心理治療嘅慣常手法。 如果我係故事主角，Mad Scientist - Hououin Kyouma，我會考慮「向自己植入假記憶嚟改變現在」嘅方案，以2025年嘅技術絕對有餘。 呢度引申兩條古老嘅問題，「單憑記憶點樣確認真實？」、「就算快樂唔係建基於真實，又有無問題？」