今晚嘅主題係《陶瓷體驗班》 一直以嚟，我都唔係好想開始教體驗班，因爲我覺得自己冇資格教人，而且客人對體驗既期望都好唔同。 終於，我喺2023年畀咗個機會自己，去接觸教班嘅世界，除咗係想發掘下自己能否以藝術做職業嘅可能性，都想認識下其實教班同我自己嘅追求有冇辦法取得平衡。 直到而家，我主要都只係接單次體驗班，當中至少要有三個元素：有認識陶藝部分，有客人需求部分，都有幽默美感和創造力。我承認，我其實都揀客。不過，我好感謝大部分參加過既人，當中有啲係朋友，有啲係街客，都有少數係轉介，即使有人追求一步登天攞到好靚好勁嘅成品，有人係嚟拍拖想做一啲成雙成對既紀念品，有人其實對陶藝本身有興趣…我覺得我哋都玩得好開心，互相遷就，即使作品有瑕疵唔完美，大家都能夠共識，陶藝本身就係一件好唔容易嘅事，失敗乃成功之母。 #陶藝