我發現愛情就係無論你係理性、感性咁處理佢都係變幻莫測，冇辦法用任何嘢衡量。即係你唔會比較兩個人邊個付出多啲，講真一齊咗踏入第五年了，一早就係見到啲咩知道對方會鍾意就即刻買，甚至當日就送到對方面前。有時候會覺得，即使愛情係變幻莫測都好，但只要你培養到愛人嘅習慣，同埋識得愛得及時，唔再諗咁多，活再當下，其實一切都好簡單。大概就係四個字：「反璞歸真」 呢幾日最轟動嘅新聞，令我反思原來愛真係要及時，唔好等到人走咗先同佢表達你有幾愛佢。所以我好慶幸我哋兩個每日都仲係會打電話俾對方，無論WhatsApp、見面定係打電話都係咁講愛你。以前讀書到而家要教人文，我都不停聽five love languages, 但其實就算係睇晒成本書，用唔到出嚟都係冇用。重點大概就係五種語言應該互相扣連，要同時存在。 只可以講傷害咗人，仲要等到人哋走咗先話掛住係一件好荒謬嘅事。愛嘅形狀有好多種，冇話值唔值得。喺呢個liquid love嘅年代，好希望值得被愛嘅大家可以搵到真愛。到嗰陣，盡情咁去愛，愛得及時🫶🏻 愛情