睇中醫想調理身體。 蔡醫師：你要補吓。 我：吓？咁要食啲咩？（以為要食咩補品。） 蔡醫師：你係咪好少食飯？ 我：係少咗。 蔡醫師：你唔得，你要食返多啲飯。 我：食得多飯驚肥喎。 蔡醫師：你唔算肥。 我：唔係吓話？ 蔡醫師：你仲有quota嘅，食多啲飯，蕃薯同南瓜。 我：好啦！ 蔡醫師：唔好食生冷嘢。 我：（心諗）咁都知我尋晚食完魚生...... 蔡醫師：記得食嘢食慢啲喎。 我：（心諗）又知我食嘢快...... 蔡醫師：仲有無嘢問？ 我：咖啡茶都唔飲得架啦？ 蔡醫師：呢兩樣唔駛你戒啦！ 我：（點頭）咁都好啲。 蔡醫師：仲有你嘅唔舒服同你條頸都有關，你返到台灣搵人搞搞條頸喎。 我：（心諗）條頸有事又知。 蔡醫師：你介唔介意我掂你大髀？ 我：咪掂囉。 蔡醫師：會痛架吓！ 講完一捏落嚟，超冤痛。 蔡醫師：自己得閒按下呢兩個穴位啦！ 我：知道喇。 嚟緊乖乖地跟住做，希望真係可以調理好個身體啦！