做咗幾個月gym，每次都做到想死咁款 我唔係唔鍾意郁，只係鍾意啲有互動性質嘅運動比較多，例如羽毛球乒乓波游水之類嘅嘢。學生時期都打咗幾年校隊學校都有攞獎。 跑步對我嚟講真係有種生不如死嘅感覺，度日如年每1秒都唔知喺度做緊乜，有時聽到啲朋友話越跑越開心，我會覺得係咪黐咗線？奈何？每次做完gym教練都要我跑最少半個鐘。 結果兩三個月後減咗少少身體健康咗，個人瞓得好咗精力都多咗，但我個教練好驚嘆點解減得咁慢😆😆😆我喺佢嘅表情度睇到佢有一絲嘅擔心。之後佢輕輕地講第一句:減肥係要靠三成運動七成飲食。 我都慨嘆一聲點解做咁耐做得咁辛苦為咩呢？ Anyway , 我個PT 真係好靚，而家我都仲做緊都係因為見到佢咁靚仲做得咁好 ，覺得自己都應該可以做得到！佢係靚到完全打破咗以往我對PT嘅形象感覺！