無聊是但係Netflix睇一套戲發現神木隆之介原來係哥斯拉-1.0嘅男主角 。 之前初戀突然之間喺香港好紅嘅佐藤健都分別喺Netflix嘅平台大放異彩，於是就手多上去維基睇原來2021年佢哋兩個人就自己獨立咗出嚟 。  啊 。 我記得呀，2020年嘅夏天，三浦春馬就離開咗 。 估唔到有一日我真係會大過佢，如果佢到而家都仲喺度，唔知會唔會拍田園生活嘅YouTube呢？或者教吓人哋做gym又或者係煮嘢食，我會睇㗎 。 結果係一切好日子嚟到前，佢就離開咗 。 有時我會諗，如果呢套戲係三浦春馬做男主角唔知會點呢？ 睇住Netflix嘅亞洲資源一直只係側重韓國，近呢兩年開始有日劇同埋日本電影進駐，但係都冇辦法同韓國電影同埋劇集投資成正 。 彷彿Netflix入面嘅人就覺得日本就只能夠有動畫一樣。 講真，我真係覺得好可悲。 依家啲網紅成日都講hidden gems 喺我心目中，三浦春馬永遠都係日本男藝人入面唯一隱藏咗，再無機會被世人所熟悉嘅寶石 。