喺IG見到台灣某髮型專頁講髮型師斷層 收入又低 叫客人珍惜未轉行嘅髮型師 突然間有感而發 交完租睇完醫生每月補貨入已經冇咗大部分 我自己面對嘅現況 同行鬥平吸客 驚定價太高 會冇新客 有一類型嘅客人永遠會想搵再平CP值高嘅選擇 我都想加價 已經3年冇加過 但就係唔敢 驚呢個經濟環境底下 一加價就嚇親啲客 就算而家慢慢有新客人回頭變熟客 但遠遠都未追得返移民潮流失咗嘅量 我知 真心喜歡自己嘅唔會介意比多加$20剪個髮 但就係怕加咗價 聽到剪過髮挨近$500 自己有一小部分嘅客都講明覺得貴 更何況新客…？ 但諗深一層 3年以來如果加$20 都只係唔到5%嘅加幅… 但就係…唔敢囉😮‍💨 叫貨嘅價錢都加咗17%  寧願自己硬食個加幅都唔敢加落個客度… 唔係對自己冇信心唔值呢個價 係對客人冇信心會俾呢個價 每次諗到呢啲問題 心入邊天使魔鬼喺度鬧交 廢噏完 peace out