朋友同我講古今喺旺角開咗新分店，呢日陪朋友出去旺角買野買完就一齊過嚟開餐 🥗日式麻醬豆腐沙律(大) $98 超大碗❤️豆腐上有海量三文魚子，以為底層全部係菜，原來收埋好多中華沙律😅真係估佢唔到 🥚自家明太子玉子燒 $65 玉子燒燒得好香，配埋明太子醬同自家醬汁鹹中帶甜，味道豐富 🌋火山$68 送到嚟時職員喺我地面前點火🔥，成件事好有儀式感💯火山下層係牛油果卷，上層滿佈蟹柳|帶子|蟹籽，食落層次感豐富 🍣忘不了你 $98 估唔到擺盤咁靚，畫咗Have a nice day🥰忘不了你係芝士芒果炸牛肉卷好特別，味道酸酸甜甜，食落脆卜卜 🍆櫻花蝦原條茄子燒 $88 茄子燒到熱辣辣，軟熟茄子肉加上黑椒&櫻花蝦，食落幾惹味 🍢芝士免治雞肉棒 $38 雞肉軟骨棒加埋芝士完全係邪惡之選 🍢鹽燒雞中翼 $32 雞翼燒得啱啱好唔會好乾 🍢鹿兒島豚肉荔枝卷串燒 $32 未想像到豚肉配荔枝係點樣所以叫嚟試吓😅食落果然有驚喜👍🏻荔枝嘅甜味同口感原來同豚肉好match 🍺Asahi $58 去日式餐廳必點 🍺Asahi Sour passion fruit $58 果味香濃，食串燒飲有汽果酒啱晒